Sit guet eme Johr isch de Markus Heil z Wettige für d Pfarreie St. Anton und St. Sebastian zueständig. Geschter isch er gwählt worde und au s Präsdidium vo de Chilegmeind isch nach ere längere Vakanz wider bsetzt.
Wi di römisch katholischi Chilegmeind mitteilt, hend sich am 7. März 2021 18.63 %, also 1’151 vo de stimmberechtigte Mitglieder vo de Chilegmeind a de Wahle beteiliged. Zum Präsident gwählt worde isch de bisherig Vizepräsident vo de Chilegmeind Wettige, de Bernhard Lang. Er het 1’057 Stimme übecho. Für d Gmeindleitig vo de beide Wettiger Pfarreie hend d Wettiger Katholike de Markus Heil mit 1’028 Stimme gwählt.