Zwöimol Nei, einisch Ja. So het sich d Wettiger Stimmbevölkerig entschide.
D Schwiizer Stimmbevölkerig entscheidef hüt über drü Vorlage: S Verhülligsverbot, d E-ID und s Freihandelsabkomme mit Indonesie. Bis d Schlussresultat bekannt sind, dörfs noch es Zitli goh, aber d Wettiger Ergäbnis liged vor.
S Verhülligsverbot het mit 3’047 Ja-Stimme (46.88 %) und 3’452 Nei-Stimme (53.12 %) kei Mehrheit gfunde. Au s Gsetz zu de E-ID isch abglehnt worde und zwar dütlich. 2’525 Lüt hend es Ja in d Urne glägd (39.08 %) und 3’921 es Nei (60.92%). Asgnoh worde isch s Freihandelsabkomme mit Indonesie mit 3’744 Ja-Stimme (59.06 %) gege
2’595 Nei-Stimme (40,94 %).
Bi de Ersatzwahl fürs Friedensgricht, het d Andrea Kleger d Nase dütlich vore. Si het 3’321 Stimme übecho, de Martin Rellstab 1’903.