Wi i jedem Johr am erste Mittwoch im Februar, werded au im 2021 d Sirene teschted. Ab de Halbizwöi und i de ganze Schwiiz.
Einisch im Johr werded alli Sirene i de Schwiiz glichzitig kontrolliert. Am Mittwochnamittag, 3. Februar 2021, vom Halbizwöi bis um Viertelabdrü isch es wider so wit. Wo me im Ernstfall s Radio set iischalte, sind bim Test kei Massnahme notwendig. Di Verantwortliche tested numme, ob d Sirene tatsächlich funktioniered. Erscht chunnds Zeiche für de allgemeini Alarm, später unterhalb vo de Staumuur au de Wasseralarm.
Nebem Funktionstest wot di jährlich Aktion aber au d Bevölkerig sensibilisiere, dass alli wüssed, wi si sich bieme tatsächliche Alarm verhalte setted. Hiwise und d Verhaltensregele finded sich uf de Seite 680 und 681 im Teletext, im Internet unter http://www.sirenentest.ch. Zudem gits d Empfehlig an d Bevölkerig d Bundes-App ALERTSWISS uf em Smartphone z installiere, wo im Alarmierigsfall wichtige Informatione bietet.