Im Schatte vo de Betonsanierig be de Brugg zwüsche Wettige und Neuehof, händ scho Ändi Mai d Arbeite a de Holzbrugg aagfange. Es wird ned num d Holzbrugg renoviert, sondern au die us Stahl bestehndi Vorbrugg, wo vo de Wettigersitte zo de Holzbrugg füehrt.
Inere erste Etappe, wo bis ca. Oktober wird go, wird a de Holzbrugg gschaffed. I de zwoite Etappe, November bis ca. Juni 2021, chond den d Stahlbrugg dra. D Stahlbrugg wird dodefür komplett demoniert und ine externi Werkstatt transportiert werde. Wenn das genau stattfinde söll, esch nonig zu 100% klar, aber mer hoffed, mer chönd das rechtziitig in Erfahrig bringe.
D Arbeite söttet bis im Juni 2021 beendet sii.
Meh Informatione bechömed Ihr uf de Huus-Sitte vo de Gmeind:
https://www.wettingen.ch/aktuellesinformationen/947830