Rollerfahrer verunfallt

Am Sonntig, 20. September 2020 isch en Rollerfahrer gege es Auto gfahre. Er het öppe 1.6 Promille Alkohol im Blut gha.

Wie d Kantonspolizei (Kapo) mitteild, isch en 48-jährige Maa kurz ab de Halbiachti am Abig ohni Helm mit sim Roller uf de Tägerhardstrass unterwägs gsi. S Auto, wo vor ihm her gfahre isch, het rächts uf en Parkplatz het welle fahre, was de Rollerfahrer ned oder z spot gmerkt het. In de Folg isch de Roller in d Site vom Auto pralld und de Fahrer isch gstürzt. En Ambulanz het ihn mit lichte Verletzige ins Spital brochd. An beide Fahrzüüg isch en erheblich Schade entstand. En Atemlufttescht bim Rollerfahrer het en Wert vo 1.6 Promille ergeh. D Staatsawaltschaft het us dem Grund en Bluettescht aagordned und d Kapo het em Rollerfahrer de Fahruswiis vorläufig abgnoh.

.