Vor 5 Johr hend de Fabi und de Lutz d Wettiger Nochrichte übernoh

De Lutz und de Fabi (v.l.n.r.)

Sit em 20. September 2015 sind de Fabi und de Lutz Co-Redaktore vo de Wettiger Nochrichte. Das sind hüt uf de Tag föif Johr.
Hüt hend mir e Meldig in eigeder Sach: Es esch nämli genau föif Johr her, dass de Fabi und de Lutz d «Wettiger Nochrichte» übernoh hend.
De erschti Artikel, wo me uf de alte Homepage find, datiert vom 9. August 2014, isch also es guets Johr vorher erschine. Insgsamt sind sither fascht 2000 Artikel (der do isch de 1’980.) und über 100 Videos uf YouTube veröffentlicht worde. De YouTube-Kanal hend de Fabi und de Lutz, nachdem si vorher scho immer emol weder Föteli biigstüred hend, im Mai 2015 eröffned. Im September 2015 het ihne de domolig Betriiber de News-Blog aabote und sit em 20. September 2015 sind si als Co-Redaktore für d «Wettiger Nochrichte» verantwortlich.
Mir bedanked eus be eusne Läserinne und Läser für’s Interesse, wo vo meh wie 390’000 Klicks uf eusi Artikel bestätiged wird. Mir hend eus zum Jubiläum es nois Intro gleischted: