Hüt, Sonntig, 9. Februar 2020 esch d Abstimmig übers Budget und di 5%-ig Erhöchig vom Stüürfuess. Wird d Gmeind am morn miteme gültige Budget chönne schaffe oder chönnd i de de nächschte 2-3 Mönet numme di nötigschte Usgabe tätiged werde?
Vom Nüni bis um Zähni sind d Urne no offe, um d Stimm abzgeh. Danach word zähld. So intensivi Diskussione um de Stüürfuess hets in Wettige scho lang nümm geh. Erscht het de Iiwohnerrot im Oktober s Budget zruckgwise, dann im Dezember 2019 verabschieded und sit e paar Woche esch en IG aktiv, wo s Budget und de Stüürfuess wend bachab schicke.
Mir wend ned spekuliere, wi es usgoht sondern warted ab und informiered oi, wenn fertig uszählt esch.