![img-20190419-wa00143576999202198595852.jpg](https://wettiger-nochrichte.ch/wp-content/uploads/2019/05/img-20190419-wa00143576999202198595852-678x381.jpg)
Sit vilne Johr arbeitet de Pater Thomas Manoj Odalil als mitarbeitende Priester in de Pfarreie St. Sebastian und St. Anton. Ändi Januar isch Schluss.
Wi di römisch-katholisch Chilegmeind mitteild, wird de Pater Thomas in drü Mönet nüm z Wettige schaffe. De Bischof Felix Gmür het ihn bete, so schriibd d Chilegmeind uf ihre Website, e Stell inere Gmeind im Kanton Soldedurn aazneh. Witers dankd d Chilepfläg ihm für sini wertviolli Mitarbeit und de unermüdlich Iisatz für di beide Wettiger Pfarreie.