Noi wot de Kanton Aargau ned numme stationäri, sondern au ambulanti Aagebot finanziire. Dodezue wird s Betroiigsgsetz überarbeited, au um de de Behinderterächtskonvention vo de UNO aazpasse.
S Interesse a de Veraastaltig isch gross gsi, ned numme bi Familieaaghörige vo Mönsche mitere Beiiträchtigung, sondern au bi Politiker und eifach interesiirte Lüt. Bi de arwo isch nämli über d Teilrevision vom Betroiigsgsetz informiird und diskutiird worde. Noi selled au ambulanti Aagebot finanziird werde, ned numme stationäri.
Mir sind mit de Kamera debi gsi und hend gfilmed:
Im erschte Teil gits en Iiführig durch d Melanie Bär und e Podiumsdiskussion mit em Roland Meier, de Maya Bally und em Peter Walther.
Im zwöite Teil stelld d Regina Brechbühl de Verein sebit vor und diskutiird mit de Melanie Bär und ehemolige Absolvente vom Kurs über ihri Erfahrige.
Teil 1
Teil 2