Am 14. September 2019 öppe uf di Viirtelvorviiri isch es a de Iimündig vo de Dorfstross i d Schartestross zueme Unfall cho. Drü Persone sind licht verletzt worde.
Wi ois d Kantonspolizei Aargau mitteild het, isch e 18-jährigi mit ihrem VW Touran mit eme Mercedes kollidiird, wo vomene 60-jährige glenkt worde isch. Durch di sichtlich-frontal Kollision hets de VW uf s Dach glegd. De Schade beziffered sich nach Aagabe vo de Kapo uf 40’000 Franke. Drü Persone sind bi dem Unfall licht verletzt worde.
De Unfall isch dodemit wohl glimpflicher abgloffe, wi d Augezüüge zunächscht befürchtet hend, sind doch schints drü Ambulanze zum Uufallort usgrückt.