De FC stoht vor em erschte Heimmatch

Letschts Wochenänd hend d Wettiger Fuessballer uswärts en Punkt gholt. Am Samschtig wird sich zeige, obs im erschte Saison-Match im Alteburg für en Siig langed.
Vil het sich gändered bim „eis“ vom FC. Im Kader hets veränderige geh und de Trainer isch noi. Aber es git au vili altvertrauti Gsichter und selbstverständlich spild de FC sini Heimmatch im altehrwürdige Stadion Alteburg. De nächschti Gägner isch de FC Adliswil, wo s letschti Mol am 27. April im Alteburg z Gascht isch gsi. Damals hend Wettiger 0:2 verlore. Morn sell alles besser werde! De Match gege de FC Adliswil started am Samschtig, 17. Augschte 2019 um Föifi am Spotnamittag.