Wo hets z Wettige Überwachigskameras?

De Betriib vo 40 Kameras ohni kantonali Bewilligung i de Cordulapassage z Bade git Aalass zu Diskussione. Aber wi gsehts z Wettige mit settige Kameras us?

An viir Standört hets z Wettig Kameras, alli mit kantonaler Bewilligung, wi de Gmeindschriiber Urs Blickenstorfer betond. 6 Kameras sind bi de Landstross 89 installiird, eini im Rothuus und dann hets no im Hallebad und bim EW im Forhölzli Überwachigskameras. Es Reglement legd gmfescht, wer d Ufnahme dörf aaluege und wi lang d Date dörfed gschpichered si. Grundsätzlich isch d Regionalpolizei berechtiged uf s Bildmaterial zuezgriife, dazu bim EW de Gschäftsleiter und de IT-Verantwortlich und bi de Kamera im Hallebad s Tägi. Di Kamera isch wege de Saniirig zur Ziit ned in Betriib. Bi de Eröffnig im 2020 muess dann entschide werde, ob si am gliiche Standort witer betribe wird und ob es allefalls e noii Bewilligung bruuchd.