Am Fritig, 12. Juli 2019 isch es zuere Kollision vo zwoi Fahrzüüg über de Autobahn cho. D Kantonspolizei suecht Züüge.
E 23- und e 54-jährigi Automobilischtin sind am Fritig kurz vor de Halbidrü am Namittag vo Noiehof her mit allgemeiner Fahrtrichtig Wettige uf em Autobahnzuebringer unterwägs gsi, schriibd d Kapo inere Mediemitteilig. Dadebi isch es zuere sitliche Kollision cho. Welli vo de beide Fahrerinne d Spur verlah het, isch no offe. D Kapo suechd deshalb Züüge, wo de Unfall beobachtend hend. Bitte bi de Kapo Stützpunkt Bade (Tel. 056 200 11 11) melde.