![img_20190615_0907152268720290246684703.jpg](https://wettiger-nochrichte.ch/wp-content/uploads/2019/06/img_20190615_0907152268720290246684703-678x381.jpg)
Sit em 1959 laufed di beide Uhre am Rothuus. Nach regelmässige eifache Revisione lauf jetzt e Generalrevision.
Wer zum Rothuus ufeluegd und vilicht sogar wot luege, wi vil Uhr isch, der wird sich vilicht sit em Mittwoch verwundered d Auge riibe. D Zifferblätter und d Zeiger sind nämli nümm do. Öppe acht Woche gohts, bis d Uhre, d Ziffereblätter und d Zeiger revidiird und wider montiird sind, damit d Wettigerinne und Wettiger au di nächschte 60 Johr verlässlich d Uhrziit a de Rothuusuhre chönd abläse.