Bi de Generalversammlig (GV) vo de Gmeinnützige Gsellschaft Wettige (GGW) isch de Sebastian Spörri nach 21 als Präsident verabschiided worde. Zu sim Nochfolger isch de Alt-Iiwohnerrotspräsident und OK-Präsident vo de «Atmosphäre», de Paul Koller gwählt worde.
Nebe de übliche Gschäft von ere GV het de Präsidentewächsel im Fokus vo de GV vo GGW gschtande. De Sebastian Spörri, wo als Highlight vo sim Präsidium im Sommer 2018 de Abschluss vo de Überbauig Sulperg-2 het chönne fiire, het s Präsidium abgeh. Er blibt mit em Ressort Ligeschafte em Vorstand aber erhalte.
Bim Rückjblick ufs 2018 isch z Bemerke gsi, dass im Sulperg-2 alli Wohnige vermietet oder verchauft sind. Nebe de noie Ligeschafte ghöred au Sulperg-1, Birkehof, Bernau und Bifang de GGW. In allne Hüser wird Wohnruum uf gmeinnütziger Basis für Personen 60+ aabote. S Präsidium vo de au in finanziller Hisicht gsunde Gsellschaft isch an de Paul Koller übergange. Er isch mit eme grosse Mehr und Applaus um noie Präsident gwählt worde.