![Screenshot_20190426_095934.jpg](https://wettiger-nochrichte.ch/wp-content/uploads/2019/04/Screenshot_20190426_095934-678x381.jpg)
Jedes Johr veröffentlichd d Gmeind en Rächeschaftsbricht. Wer Zahle und Schtatistike gärn het, find vil Interessants.
Im September 2018 het Wettige di bisher höchschti Aazahl an Iiwohner gha. 20’928 sind es gsi. D Zahl isch im Rächeschaftsbricht vo de Iiwohnergmeind z finde, wo i de Mai-Sitzig vom Iiwohnerrot traktandiird isch. Aber ned numme Zahle-Freaks chömmed uf ihri Koschte. Jede, wo sich für d Gmeind und d Gmeindspolitik interesiird, find lesenswerti Informatione im Bricht.