Doppelvernissage im Gluri Suter Huus

Am Sunntig, 24. Februar 2019 um Ölfi am Morge werded im Gluri Suter Huus (GSH) zwöi Usstellige eröffned. Eini mit Kunschtwerk vom Alex Sadkowsky, di ander mit settiger usere private Sammlig us em Aargau.
Wi öfter i de letschte Ziit, präsentiirt d Galerii im Gluri Suter Huus ab em 25. Februar 2019 e Doppelusstellig, wo aber ufenand bezoge sind. Werk vom Alex Sadkowsky, wo unter em Titel
Licht aus dem Lieblingspinsel präsentiird werde, finded sich nämli au i de Privatsammlig, wo bis zum 7. April im GSH usgschtellt werde.
D Sammlig vomene Ehrpaar, wo im Aargau läbt, isch i de letschte 40 Johr entstande und wird zum erschte Mol i de Schwiiz als Ensemble zeiged. Schwerpunkt bilded Gmälde, Objekt und Originalgrafike vo de Aargauer Künschtler Werner Holenstein, Marlis und Henri Ott, Hans Rudolf Roth, Martin Ruf und Hannes Witschi. Weiteri Akzent chämmed vom Josef Briechle, em Leo Leuppi, em Alex Sadkowsky, em Jonasz Stern, em Max Bill, em Heinrich Campendonk, vo de Jacoba van Heemskerck, em Wassily Kandinsky, em Ernst Ludwig Kirchner, em Franz Marc, em Heinz Müller-Tosa, em Arthur Segal, em Henryk Stažewski, vo de Maria Uhden und vo de Shizuko Yoshikawa.