eD Filmufnahme, wo a de Büntstrass d Nacht zum Tag hend werde lah, sind für de Film «The Lines of my Hand» gsi. D Ufnahme, wo zwüschem 11. und em 18. Februar 2019 hend selle stattfinde, sind e chli früehner abgschlosse gsi.
Nach em Programm, wo d Produktionsfirma de Aawohner a de Büntsrass zuegstellt het, hend di letschte Ufnahme am Mentig vom Föifi am Obig bis um Viiri am nächschte Morge selle goh. Am Namittag sind d Wohnmobil und Parkverbotsschilder, wo sit em 11. d Büntstrass prägd hend, verschwunde bzw. uf d Site gruumed gsi.
De Film, für den inere Wohnig a de Büntstrass 6 Szene dreht worde sind, heisst «The Lines of my Hand». Im Film, bi dem de Christian Johannes Koch d Regii führt und wo mit meh wi e halbi Million Franke Förderbiiträg unterstützt wird, gohts um s Doppelläbe vonere Oberstuefelehreri, wo zueme verhängnisvolle Versteckspil führt. Si bschlüsst nämli, sich um d Tochter vo ihrem verschundene Liebhaber, wo kei Ufenthaltsbewilligung für d Schwiiz het, z kümmere.»