Wi s Badener Tagblatt in sinere Printusgab schriibd, isch es am Tsischtig, 18. Dezember 2018 zu eme Unfall im Rabereisel cho. Es Velo und es Auto sind zämmegstosse.
E 74-jährigi Frau mit em Velo isch am Kreisel Land-/Staffelstrass schints i di link Site vomene Auto pralld. De Seat Leon isch vonere 56-jährige glenkt worde. Während d Automobilistin unverletzt blibe isch, het d Velofahrerin mit lichte Verletzige ins Spital müesse. Wi de Unfall genau a gloffe isch, wird d Kantonspolizei Aargau jetzt abkläre. Di mobil Iisatzpolizei z Schafise (Tel. 0628868888) suecht Züge, wo de Unfall beobachted hend.