D ABB het hüt bi ere Mediekonferenz über de Verchauf vo de Stromnetzsparte informiird. Au z Wettige wird das Uswirkige ha.
Öppe 2800 Mitarbeitende vo de ABB in de Schwiiz sind i de Stromnetzsparte aagstellt. Mit em Verchauf a Hitachi werded si dann zu Aagstellte vo dere japanische Firma. Nach Ussage vom ABB-CEO Ulrich Spiesshofer wird es kein Iifluss uf d Aazahl vo de Beschäftigte ha, melded s Badener Tagblatt. Hitachi sig nämlich grad a de Fachkenntnis vo dene Aagstellte informiirt. En zusätzliche Stellabbau sig damit ned z erwarte, längerfristig ehnder mit de Schaffig vo noie Stelle.
Uswirkige wird de Verchauf au uf de ABB – Standort Wettige ha, wo a de Jurastrass gegenüber vom Tägipark ligd. Dete gohts um Hochspannugsprodukt, so dass de Standort zu de Stromnetzsparte ghört. D ABB wird also nach em Verchauf nach oiserne Informatione kein Standort Z Wettige me ha.