Ab em 9. Dezember 2018 gilt de noi Fahrplan für de ÖV. Au für Wettige gits Änderig.
Vo, nach und in Wettige verchered so vili Büs und Züg, dass es ned eso eifach isch, de Überblick z bhalte. So erwähned mir hiir e paar Verbindige, wobi dene ois Veränderige ufgfalle sind und empfehled allne Benutzer vom ÖV vorgängig ihri Verbindige z prüefe (ufgrund vo de zunehmende Verspötige mached das ja vilicht die meischte eh).
D S12 fahrt ab em Sunntig Richtig Züri zwöi Minute spöter wi bisher, also erscht um .20 und .50. Si vercherd aber ned uf Winterthur Seen oder Seuzach sondern noi bis Schafhuse (.50) und Wil SG (.20, Mentig bis Fritig).
Bi de S19 gits am Morge en Zug, wo vo Koblenz über Wettige bis Züri und Pfäffike ZH fahrd.
Bim 3er Bus gits e Zuesatzverbindig uf S 19 und de Aaschluss uf d S 12 wird au optimiird, d 3er fahrt e Minute spöter wi bisher. Au bim 12er vom Tägi a de Bahnhof gits chlineri Aapassige wege de veränderte Fahrziite vo de S12.
Oiseri Ufzählig het ned de Aaspruch vollzählig z si und au wenn mir versueched, Fähler z vermiide, chönnd mir für d Richtigkeit kei Garantie überneh. Am beschte lueged ihr für oiri Verbindige hier vorbi.