Wettige nennt sich zwar «Stern an der Limmat», aber de Zuegang zum Fluss isch numme an wenige Ört mögli. Das sell sich ändere.
D «Regionale 2025» het sich zum Ziil gsetzt, innovativi Projäkt im Limmattal z fördere. Eis vo denen Projäkt isch vo de Gmeind Wettige lanciirt worde und wot de Zuegang zum Fluss verbessere, so dass s Bade besser mögli wird. Mit eme «Limmatfloss», wo als Badesteg, aber au zum Beobachte vo Tiir cha gnutzt werde, sell d Attraktivität vom Wasser gsteigered werde. Di Schwimmplattform, wo sell realisiird werde, het e Studentin vo de Technische Universität (TU) Darmstadt entworfe. D Lisa Ritter, wo dete Architektur gschtudiird, het de Projektwettbewerb gunne, a dem 40 Studirendi vo de TU teilgnoh hend. Das vo ihre entworfene Limmatfloss sell en Prototyp si, wo als Vorbild für anderi Gmeinde am Fluss sell diene.