Am Lägerehang schwelt en Mottbrand

Sit em Namittag isch d Füürwehr dra, en Brand z lösche. Er schwelt bi de Cholgrueb weschtlich vo de Messstation Nabel.

Am Sunntig, 21. Oktober 2018 um Zähabzwöi am Namittag isch d Füürwehr alarmiirt worde. Bi de Bänkli für d Alt-Gmeindamanne sig de Waldbode am Brönne.

No am Abig isch d Füürwehr mit em Tank- und mit em Universallöschfahrzüüg dra gsi, di 100 qm, wo brönnd hend, z lösche.