D Galerii im Gluri-Suter-Huus (GSH) planed für de Dezember e bsunderi Usstellig. Alli, wo in de letschte drü Johr es Kunschtwerk gschaffe hend und en dütliche Bezug zu Wettige hend, chönnd usstelle.
Gliich ob Hobby-Künschtler oder Profis, Künschtlergruppe, Fotografe oder Bildhauer: Wer künschtlerisch tätig isch und entweder z Wettige läbd, heimatberechtiged isch, schaffd oder scho im GSH usgschtelld het und mindeschtens achtzähjährig isch, isch iiglade, bi de KUNSCHT SCHAU 2018 zwei bis viir Wek uszstelle. D Vernissage finded am Fritig, 14 Dezember 2018 vom Sächsi am Abig bis um Nüni statt. D Usstellig isch dann am Samschtig, 14. und am Sunntig, 15. Dezember vom Ölfi bis um Föifi am Abig offe und am Mentig, 16. Dezember vom Zwöi am Namittag bis um Sibni am Abig (Finisssage).
Wil alli usgschtellti Werk au zum Verchauf müend aabote werde, bietet sich di einmalig Chance, noch es bsundrigs Wiehnachtsgschenk chönne z poschte. D Usschriibig laufd no bis zu, 17. November 2018.