Am Donnschtig, 21. Juni 2018 het d Füürwehr öppe uf di Halbiachti zumene Iisatz müesse usrücke. «Brand gross – Rauch aus Wohnung» hets gheisse.
En Zimmerbrand in ere Wohnig a de Halbartestrass het geschter zumene Grossiisatz vo de Füürwehr gführt. Wil de Atemschutz grad en Üebig gha het und vollusgrüschtet parat gschtande isch, hend di erschte Iisatzchräft innerhalb vo Sekunde chönne usrücke. De Löschtrupp sig entschlosse vorgange, schriibd d Füürwehr uf Facebook. So isch de Brand schnell glöscht gsi und di Fraue und Manne vo de Füürwehr hend mit eme Hochdrucklüfter d Wohnig entrauchd.