![Mike Müller und Walti Benz Usschnitt](https://wettiger-nochrichte.ch/wp-content/uploads/2018/06/Mike-Müller-und-Walti-Benz-Usschnitt-678x381.jpg)
Im Januar 2019 wird di 7. und letscht Staffel vom «Bestatter» uf SRF usgschtrahlt. Wi scho bi de letschte Staffle sind au dismol Szenel z Wettige dreht worde.
Am Mittwoch, 20. und Donnschtig, 21. Juni 2018 sind bim Walti Benz verschidnigi Szene dreht worde. Wer hüt bim Animal Decor a de Dorfstross vorbi cho isch, het vilicht d Schiinwerfer vor em Huus gseh oder es Krokodil bim Fleischmann im Hof. Welli Szene genau ufgnoh worde sind, wird bis zur Usstrahlig es Gheimnis bliibe. Klar isch aber, dass – anderscht wi im letschte Johr – diesmol au de Mike Müller uf em Set isch gsi.