Sit Aafang Woche isch klar, dass vo de öppe 140 Schwiizer OVS-Filiale numme drisg bis virzg «überlebed». Di in de Center-Passage ghört nöd dezue.
Es isch im 2016 gsi, wo di italienisch Modekette OVS d Schwiizer Chleiderläde Charles Vögele übernoh het. Im Sommer 2017 sind d Läde im Design uf OVS umgschtellt worde und vo da isch es nöd emol es Johr gange und scho zieht sich OVS zum gröschte Teil us em Schwiizer Märt zruck. Uf de Website vo Sempione Fashion sind jetzt d Standort z gseh, wo liquidiirt werded. Dazue ghört au de OVS-Lade in de Center-Passage. Im Aargau wird numme d Filiale z Schpreitebach erhalte blibe.