Vom Wetter her hend mir scho sit letschte Woche Sommer. Bi de LägereBräu wird er am Samschtig iiglütet.
Sommerziit isch Biirgarteziit und somit isch es höchschti Ziit, dass de Biirgarte im Spinnereiareal uf de Chloschterhalbinsle d Saison eröffned. Am Samschtig, 28. April isch es so wit. Um Viiri am Namittag gohts los und gliichzitig, so schriibd d Brauerei LägereBräu uf de Website vo de Gmeind, wird au s Biirateliir eröffned, wo ja vom Alte Leu wider in d Spinnerei abbe zügled isch.