Am Abig vom 10. April 2018 sind z Wettige zwei Georgier feschtgnoh worde. Si hend im Tägipark Rasiirklinge klaut.
Es isch kurz vor de Föifi am Namittag gsi, wo bi de kantonale Notruefzentrale d Meldig iigange isch, das ineme Gschäft im Tägipark zwei Männer Resiirklinge gstohle hend. De Sicherheitsdienscht vo dem Verchaufsgschäft het di beide Männer chönne feschthalte, bis e Patrouille vo de Regionalpolizei Wettige-Limmattal (Repol) di 22- und 32-jährigi Manner het chönne feschtneh. Bim Jüngere het d Repol Rasiirklinge im Wert vo 800.- Franke chönne sicherstelle.
D Kantonspolizei (Kapo) het Ermittlige iigleitet und versuecht usezfinde, ob di beide au für anderi Stroftate verantwortlich sind. D Staatsaawaltschaft Bade het en Untersuechig eröffnet, wi d Kapo mitteild.