Scho zum 6. Mol hend d Vespisti z Wettige d Saison eröffnet. Wegem schlechte Wetter sind aber weniger Vespas zum Oschterträffe cho wi au scho.
De Räge het am Karsamschtig, 31. März 2018 de ei oder ander davo abghalte, uf de Rathuusplatz z Wettige z cho, aber öppe 60 Vespisti sind es doch gsi. De Vespa Club Wettige, wo de Aalass zum 3. Mol organisiirt het, het es Fäschtzält ufgschtellt gha, in dem au für d Verpflägig gsorged gsi isch. Nebe de Begegnige und em Fachsimple isch für d Vespa-Fründinne und -Fründe de Corso im Zentrum gschtande.
Antworten
Du musst angemeldet sein, um einen Kommentar abzugeben.