De FC entschuldiged sich bi sine Fans

Am letschte Samschtig, 24. März 2018 het de FC de Heimatch kurzfrischtig müesse absage. Wil bi de Kommunikation vo de Absag einiges in d Hose gange isch, entschuldiged sich de FC bi sine Fans.
Gross isch de Ärger bi de Stadionbsuecher gsi, wo am letsche Samschtig ins Alteburg cho sind und de FC hend welle unterstütze. Kei Information isch verfüegbar gsi, weder im Stadion no uf de Homepage. Numme uf de Site vom Fuessballverband het me es «V» chönne finde, wo hinter de Spielpaarig gschtande het. Uf sinere Homepage erklärt jetzt de FC, was schief gloffe isch.
De Spiilbetriib vo de 2. Liga interregional wird direkt vom Schwiizerische Fuessballverband (SFV) gleitet und der entscheidi erscht am Spiltag, ob en Match cha stattfinde oder nöd und kommuniziirt das nöd vor de ölfi am Morge. Grund für d Absag siged d Schneefäll vor em Spiiltag gsi, wo d Standfeschtigkeit vom Rase beiiträchtiged hend. Wege de höche Verletzigsgfahr, het de SFV de Match abgsaid und de FC het das uf Facebook kommuniziirt und au uf d Homepage welle stelle. Letschteri hetti aber technischi Problem gha, so dass de Iitrag nöd aazeigd worde isch. Dafür entschuldiged sich de Verein und verspricht au, dass in Zuekunft bim Iigang vom Stadion e Mitteilig plaziirt würdi.
Alli Fans, wo am 24. März vergebes ins Stadion cho sind, überchömmed bi näcvhschte Heimmatch a de Kasse e chlini, süessi Überraschig, so verschpricht de FC uf sinere Website.