De FC het scho wider en Match müesse la usfalle

Eigentlich het hüt de FC de dritti Match nach de Winterpause selle spile. Stattgfunde het bisher aber keine.

Bim Termin für de erschti Heimmatch vor zwöi Woche isch es chalt gsi, so dass d Grasnarbe im Alteburg hetti chönne gschädiged werde. Deshalb isch de Match gege NK Pajde uf unbestimmti Zit verschobe worde. Au letschti Wuche, wo de FC z Dullike het selle tschute, isch s Wätter de Grund für d Absag gsi. S het in de Nacht gschneieled gha.

Ganz anderscht hüt z Wettige. Es isch en strahlende Früehligstag gsi und au de Blick uf d Homepage vom FC het kein Hiwiis uf en Usfall vom hütige Match glifered. Es sind au vili Fans ins Alteburg cho, aber es isch, ausser de Fanclub, niemed umme gsi. Kei Goal, kei Plakat, nüt, wo eim Informatione geh het, warum de Match nöd stattfind. Nöd emol en Blick uf d Website het gholfe. Dete isch zwar de Match vo hüt nüm ufgführt gsi, aber es isch – anderscht wi bi de letschte beide Match – nüd über d Absag dete gschtande. Oisi Aafrog bim Marketing-Verantwortliche Luigi Giordano isch bis jetzt nöd beantwortet worde.

1 Trackback / Pingback

  1. buy viagra

Antworten