St. Bernhard wird au im Langäcker St. Bernhard heisse

Wo d St. Bernhard AG bekannt geh het, dass s noii Alterszentrum im Langäcker ALTSTADT sell heisse, isch de Name ned grad uf vil Verständnis gstosse. Wil d Bevölkerig de ironisch, fröhlich Unterton ned verstande het, übechunnd s Huus jetzt en noi Name.

Bim Spatestich vom Noibau im Langäcker het d St. Bernhard AG mitteild, dass s Huus en eigede Name übechunnd. ALTSTADT hets selle heisse, wil s noi Alterszentrum en Begegnigsort wot si, a dem alli Generationen enand begegne und sich wohlfühled, ebe wi inere Altstadt. Klar au, dass de noi Name ned allne würd gfalle, wo doch d Sport-, Garte- und Generationestadt, ebe kei Stadt wot si und s «Alt» im Name au für di ältere Herrschafte stoht. Aber si hend ned eifach ineme «Alterszentrum» selle läbe. Über di vergangene Mönet het sich aber zeiged, dass de fründlich-ironisch Unterton vo vilne ned verstande wird. Us dem Grund het de Verwaltigsrot vo de St. Bernhard AG entschide, dass für de Noibau de traditionell Name St. Bernhard bi bhalte wird. Am Konzept vo de ALTSTADT wot de Verwaltigsrot aber nüd ändere, so dass es immer no en Ort vo de Begegnig zwüsche jung und alt, a dem es allne cha wohl si, sell werde.

Bezugsfertig si sell s noii St. Bernhard übrigens im Feüehjohr 2022.