A de Chrüzig bim Volg sells en Kreisel geh

D Aawohner rund um de Volg händ i de letschte Ziit öfter mol über de Vercher diskutiird, wo mit de Eröffnig vo de Poscht am 20. Januar 2020 wird zueneh und das mitte ime Wohnquartier. Zudem esch d Chrüzig Etzel-/Lägere-/Säntisstroos eh scho e Useforderig. D Gmeind wot jetzt en Chreisel baue.
Bi de Iiwohnerrotssitzig am 30. Januar 2020 wird über es Strasse- und Werkleitigssanierigsprojekt entschide, wo d Strosse bem Volg für 15 Mönet in e Baustell verwandle wird. Vorgseh esch au en Mini-Chreisel. Wil d Chrüzig mit föif iimündende Strosse und em Rächtsvortritt für veeli Automobileschte und Velofahrer en ächti Useforderig esch, esch en settige Chreisel vermuetlich di beschti Lösig.
Jedefalls esch vo Aawohnende immer weder z verneh, dass si sech wundered, wie selte Unfäll uf dere Chrüzig passiered, we me mol e chli zueluegd, wi Velofahrer und Autos immer weder d Vortrittsregle missachted.