Di erscht Herremannschaft vom HC Rotwiis Wettige in dere Saison scho de Halletitel und de Cup gunne. Jetzt sind si au uf em Fäld Schwiizermeischter worde.
Es isch es ziimlich Stück Arbet gsi, bis de Schwiizermeischtertitel unter Dach und Fach gsi isch. Z Lozärn het Rotwiis, wi erwartet, gege Servette Genf bim Final müesse aaträte. In de erschte Hälfti sind Genfer durch en 7-Meter in Füehrig gange. De Rotwiise het keis Goal welle glinge, obwohl si bi Konter und schöne Aagriff zu einige Chance cho sind. Nach em Sitewächsel sind d kurze Ecke hüfiger worde und de Benjamin Messerli het dann mit em 1-1 de Usgliich chönne herstelle. Kurz vor em Ändi vom Match het de Silvan Steimer dann zum 2-1 troffe. D Servettiens hend dann de Goali us em Spil gno und mit eme witere Fäldspiler versuecht, zum Usgliich z cho, das het aber nüd meh gnützt.
Rotwiis het somit s Triple us Halle-, Fäld- und Cuptitel gschaffd. Härzliche Glückwunsch!