I de ehemalige Gärtnerei «Lägere Blueme» zeiged drü Künschtlerinne ihri Werk. D Usstellig goht vom 5. bis 20. September 2026.
D Mina Monka, d Stefanie Madlaina und Nadja Studiger, zeiged ihri Kunstwerk unterm Titel «Tatort» in de ehemolige Gärtnerei a de Schartestross. Geöffnet isch d Usstellig jeweils am Samschtig (vom Eis am Mittag bis um Sächsi am Abig) und Sunntig (vo de 2 bis um 5i am Namittag). Es god drum, genau anezluege, wo anderi weglueged und über Gsellschaft, Verletzlichkeit und Veränderige nachezdänke.
D Mina Monka isch bekannt für bunti, direkti und provokative Kunscht, wo au dörf irritiere und zu Diskussione aarege, d Stefanie Madlaina malt farbintensiv und grifft Themene wie Gwalt, Chinderrecht und Isolation uf und d Nadja Studiger (RAD-AB) macht us alte Veloschlüch und bruchte Möbel faszinierends Upcycling-Design für meh Ressourceschonig.
De Ort – di ehemalig Gärtnerei – stoht als Symbol für Wandel: Wo vorab Pflanze gwachse sind, söll jetzt de Same für neui Gedanke und Gspräch gsetzt werde. «TATORT» ladet dezue ii, Froge z stelle, Verwantwortig z übernäh und mitenand is Gspräch z cho.
