Hüt um Mitternacht isch de Amtsaatritt vom noie Gmeindrot. De Handschlag für d Amtsübergab vom bisherige zum noi Gmeindamme het hüt im Rothuus stattgfunde.
Politisch gits in Wettige en Noiaafang. Mit em Wächsel bim Amt vom Gmeindamme vom Roland Kuster zum Markus Haas isch s Amt zum erschte Mol in de Händ vo de FDP und nüm bi de katholisch-konservative/CVP/Mitti. D FDP isch au di einzig Partei, wo im Gmeindrot doppelt verträte isch, nachdem d Mitti und d SP jewils ihre zwöite Sitz verlore hend. Mit noi de GLP und wider de EVP, sprich em Orun Palit und de Lilian Studer, isch s Gremium politisch breit ufgstellt und vili Bevölkerigsgruppe sind repräsentiert. Au mit vier Bisherige und drü Noie isch d Mischig guet zwüsche Erhalt vom Know how und noie Impuls.
Mir wünsched im Gmeindrot und speziell oisem ehemolige Redaktor Markus Haas viel Froid und Erfolg im Amt.