Scho im Vorfäld vo de Ammewahle isch klar gsi, dass es kein Mitti-Politker wird si, der s Amt vom Gmeindamme wird überneh. Dodemit endet am 1. Januar 2026 e langi Tradition in de Exekutive.
Im Vorus z säge, ob de Markus Haas (FDP), wo im erschte Wahlgang öppe 300 Stimme Vorsprung gha het, oder de Orun Palit (GLP) zum Gmeindamme gwählt wird, het sich kaum öppe traut z säge. Au s Renne um de Vizeamme, zwüschem Christian Wassmer (Mitti) und em Philippe Rey isch offe gsi.
Jetzt ligd s Ergäbnis vo de Wahl vor. Gwählt worde sind de Markus Haas mit 2’960 Stimme und de Christian Wassmer mit 3‘155 Stimme. Uf em zwöite Platz und dodemit s Wahlziel verfehlt hend de Orun Palit mit 2’698 Stimme und de Philippe Rey mit 2’443 Stimme.
Mir gratuliered de beide Gwählte und werded au in Zuekunft d Wettiger Politik kritisch begleite.