Bi de Usfahrt Wettige isch es Auto verunfallt, wo vor de Polzei gflüchtet isch. D Hintergründ sind no ned klärt.
Am Mentig, 10. November 2025 churz ab de Halbiföifi am Morge isch ere Patrouille vo de Kantonspolizei Züri im Gubristtunnel es Fahrzüüg wege de Fahrwiis ufgfalle. De Lenker het ufs Haltezeiche ned reagiert und isch uf de A1 Richtig Bärn witergfahre. Nach de Usfahrt Dietike het er starch beschlüniged. Uf de Höchi vom Fressbalke isch dann e Patrouille vo de Kantonspolizei Aargau uf d Autobahn gfahre. Wo das flüchtendi Fahrzüüg mit höcher Gschwindigkeit an de Patrouille vorbigfahre isch, het si ebenfalls d Verfolgig ufgnoh. De Flüchtendi isch dann a de Usfahrt Wettige-Ost ab de Autobahn, isch dete mit de Leitplanke kollidiert, het d Herrschaft über sis Fahrzüüg verlore und ich mehrmals gehe d Leitplanke prallt. D Polizei het vor Ort zwöi Persone chönne verhafte, en 28- und en 33-jährige Albaner. Einer vo beidne het sich bi de Kollision verletzt und isch ins Spital brochd worde.
D Hintergründ vo de Flucht werded dur d Kantonspolizei Züri in Zammenarbet mit de zueständige Staatsaawaltschaft abklärt.