Am 30. November 2025 isch de zwöit Wahlgang. Es goht um d Wahl vom Gmeindamme und em Vizeamme für di nächscht Amstziit vo 2026 bis 2029.
Am 28. September 2025 sind d Gmeindwahle gsi. Bi de Wahle für de Amme und de Vizeamme het niemer s absoluti Mehr gschafft, drum gits en zwöite Wahlgang. Do sind numme Stimme für di aagmeldete Kandidate gültig und s einfache Mehr würd lange. Es hend sich aber für beidi Ämter numme je zwöi Kandidate aagmeld.
Für de Gmeindamme kandidiered de Markus Haas und de Orun Palit, für de Vizeamme de Christian Wassmer und de Philippe Rey.