Sit em 2024 het d Füürwehr ihri Usrüstig vo de AGV gmietet. Die alti, no funktionsfähigi, isch z Bosnie-Herzegowina im Iisatz.
D Aargauischi Gebäudeversicherig (AGV) bietet für d Brandschutzusrüstig vo de Füürwehrmanner und -frau es Mietmodell aa. Das het für d Füürwehre grossi Vorteil, so dass auf Wettiger Füürwehr sit em 2024 das Mietmodell bruuchd.
D bisherig Brandschutzusrüstig isch aber no so guet zwäg, dass me si de befründete Füürwehr vo de Stadt Živinice in Bosnien-Herzegowina übergeh het.
D Kameradschaft zwüsche de Füürwehr Wettige und de Bruefsfüürwehr vo Živinice besteht scho sit em 2022 – i Gang brochd dur en Wettiger Füürwehrmaa. Im 2023 sind scho d usgmustereti Iisatzhelm uf Živinice brochd worde, will d Usrüstig und s Material vor Ort i keim guete Zuestand gsi isch.
Zum Dank isch im Juni 2025 e Delegation vo de Füürwehr Wettige vom «Stadtamme» Dr. Began Muhic offiziell zum Stadtfäscht uf Živinice iiglade worde.
Živinice het öppe 75’000 Iwohnerinne und Iwohner und liegt i de Nöchi vo Tuzla.