D «Energie Wettige AG» präsentiert ihre Jahresabschluss und git bekannt, dass s Elektrofachschäft im EW-Gebäud am Zwentrumsplatz duet schlüsse. Spöteschtens Aafang Juli isch Schluss.
S EW hets Gschäftsjohr 2024 erfolgriich abgschlosse, wie di gmeindeigedi AG inere Mediemitteilig schriibd. S Ergäbnis im Beriich Strom sig solid und würd sinkendi Tarif, Investitione in d Versorgigssicherheit und de Usbau vo Energielösige mögli mache. Eine vo de vile Gründ für de Überschuss vo 911’925.- Franke isch en ned ganz eso schöne: Strasseprojäkt sind ned alli vo de Gmeind umgsetzt worde, so dass au s EW ned het chönne investiere.
«Zuglich», schribd s EW, markiri «s Jahr 2025 s End von ere Ära», wil s Elektrofachgschäft gschloss wird. Spöteschtens am 5. Juli 2025 goht de Lade endgültig zue. Uftah het er im 1913 und sit em 1956 isch er am Standort Landstoss 89. De Umsatz vom Lade het sich sit em 2017 halbiert, schriibd s EW. Gründ sind s geänderti Konsumbverhalte vo de Lüt, wo ehnder online chaufed, wi immene Fachgschäft. De Trend het sich dur d Corona-Pandemie beschüniged. S Datum vo de Schlüssig isch so gwählt worde, dass di Lernendi ihri Usbildig cha abschlüsse. S bestehnde Ladepersonal blibt im Unternehme und übernimmt nach ere interne Umschuelig verschideni Ufgabe im Beriich hoheitlichi Kontrolle und Energielösige.
De Usverchauf mit eme 70 %-Rabatt startet morn, Fritig, 23. Mai 2025. De Lade wird spöteschtens am Samschtig, 5. Juli 2025 gschlosse. Für Garantiefälle und Chlireparature bestoht fü4r zwöi Johr en Kundeservice.