Am Mittwochnamittag, 21. Mai 2025 isch en wisse BMW i d Terrasse vomene Restaurant gfahre. De Autofahrer isch abghaue, später churz wider cho – aber ohni de Unfall z’melde.
Es isch geschter öppe um Halbivieri am Namittag gsi, wi en wisse BMW-Kombi d Märzegass ufegfahre isch, Richtig Lägere. Bim Restaurant La Vecchia Posta isch er zerscht in zwöi Bluemetrö inegfahre und denn grad in d Wand vo de Garteterrasse.
De Fahrer – en ältere Maa – isch churz usgstige, aber isch dann grad witergfahrn, ohni sich um de Schade z kümmere. Öppe zeh Minute spöter isch er nomol cho, het e paar Autoteili zämegläse und isch au wider grad devogfahre, ohne de Unfall bim Bsitzer oder de Poliezi z melde.
Am Huus und a de Bluemetrög het’s Sachschade geh. D Kantonspolizei Aargau het d Ermittlige ufgnoh. Si luegd jetzt d Spure aa, inklusiv Videoufnahme. Wenn öpper öppis gseh het oder öppis über de Fahrer oder s Auto weiss, söll er sich bim Kapo-Stützpunkt Baden melde: Tel. 056 200 11 11 Mail: stuetzpunkt.baden@kapo.ag.ch