Au di Grüenliberale stiiged ins Renne vo de Gmeindrotswahle. De Orun Palit kandidiert als Gmeindrot und Gmeindamme.
Für Beobachter vo de Wettiger Politik chunnd d Kandidatur ned überraschend. So het me e Kandidatur vo de GLP erwartet und e gliichzitigi Kandidatur als Amme isch us strategische Gründ und wegem Wahlrecht naheliegend.
De Orun Palit isch sit em 2014 im Iiwohnerrot und het insgesamt 37 Vorstöss iigreicht, was ihm vom Badener Tagblatt de Titel «König der Vorstösse» iibrochd het.