Z Wettige sind geschter, 19. Februar 2025, zwöi Fraue verhaftet worde. Sie sind ere ufmerksame Aagstellte ufgfalle gsi.
Wie d Kantonspolizei (Kapo) innere Mediemitteilig schriibd, het sich de Vorfall am Mittwoch gege di Halbisibni am Abed ineme Verchaufsgschäft z Wettige ereigned. Ere Aagstellte vo dem Gschäft sind zwöi Fraue ufgfalle, wo ere Seniorin längeri Ziit dicht gfolged sind. Während di Senorin ihre Iichaufswage für churzi Ziit us de Auge glah het, hend dich die beide an ihre Täsche z schaffe gmachd. Di Aagstellti het em Notruef aaglüte und d Polizei usgrückt und het di beide Vewrdächtige bim Verlah vom Gschäft aahalte. Bi de Kontrolle het d Polizei chönne feschtstelle, dass es sich um zwöi Bulgarinne im Alter vo 29 und 40 Johr handled, wo de Polizei iischlägig bekannt sind und kein feste Wohnsitz in de Schwiiz hend. Si sind unter dringendem Tatverdacht feschtgnoh worde und d Kapo het Ermittlige zum Fall und allfällige witere Delikt ufgnoh.