Im Herbst werded de Gmeindrot und de Iiwohnerrot noi gwählt. S Kandidatefäld vo de Bisherige wird bim Gmeindrot chliiner.
Dass Wettige en noie Amme und en noie Vizeamme bruuchd, isch scho länger bekannt. Wer aber gmeind het, di andere föif Bisherigi würded wider aaträte, het sich girt. Wie d Limmatwelle schriibd, wird de Sandro Sozzi us bruefliche Gründ im Herbscht nüm aaträte. Dodemit wird es z Wettige in de noie Legislaturperiode mindescht drü noii Gmeindröt geh. Zudem isch uffällig, dass «Die Mitte», wie d CVP in de Zwüscheziit au z Wettige heisst, kei Kontinuität annebringd. Keine vo de beide Bisherige wird im noie Gmeindrot verträte si.
Gspannt dörf me au si, wenn «Die Mitte» nebem Christian Wassmer ins Renne wird schicke. Au vo de andere Partei het me bis jetzt nüd vernoh, ausser vo de FDP, wo di beide Amtsinhaber, de Markus Haas und de Martin Egloff scho nominiert het, erschtere au als Kandidat für de Gmeindamme.