Ufmerksame Beobachter isch es letschti Woche ufgfalle: d Turmuhr vo de reformierte Chile isch stah blibe und de Glockeschlag und s Glüt sind abgstellt gsi. D Uhr laufd in de Zwüscheziit wider.
Vom 2. bis zum 9. Dezember 2024 isch d Turmuhr vo de reformierte Chile still gstande und au d Glocke sind abgstellt gsi. D Uhr lauf sit em Mentig wider richtig, de Glockeschlag aber no ned. So hend Glocke, wo schuscht ab de 10i am Abe, bis um 6i am Morge abgstellt sind, au i de Nacht im Virtelstundetakt gschlage. De Grund isch en Ernoierig vo de Lüütautomatik, wo in de Finabstimmig no e chli Ziit bruchd. Aktuell sind d Glocke wider abgstellt und d Chilegmeind hoffed, dass d Glocke d ois bald wider zu de gwohjnte Ziit durch de Tag chönnd begleite.