Am Fritg, 6. Dezember 2024 am halbi 6i esch de diesjährig Chlausiizug i de Chele St.Anton s Wettige gsi. De Chlaus esch dasmol z Vierte med ere grosse Aazahl Schmutzli und Esel und Sack und Pack verbii cho.
Zahlriiche Bsuecher send zu dem Iizug cho luege und lose was de Chlaus z brechte cha hed. Einigi wenigi Chend händ de im Chlaus es chürzers oder längers Versil vortrait. Im Anschluss heds au weder en Gottesdienst med em Chlaus gä. Als Abschluss, nach em Gottesdienst, send den uf em Füür, vor de Chele St.Anton, als neui Tratition, no Würst brötlet worde. Au de einti oder anderi Wunsch, uf en Zettel gschrebe, send de i dem „Chlaus-Füür“ verbrennt worde, i de Hoffnig, dass de Wunsch de in Erfüllig god. De Chlaus esch de uf Bsuech zo de Familiene loszoge oder mer hed de Chlaus au das Johr a zwoine Ort chönne go bsueche. Au im nöchste Johr werde de Chlausiizug weder am 6. Dezember im St.Anton stattfinde….