S Jahreskonzert vo de HWK isch am Samschtig, 16. November 2024 zobe am 8i im Tägi Wettige. S Motto isch «Latin&Pop».
Mit em Motto «Latin&Pop» bietet d Harmonie Wettige-Chloster (HWK) es abwächsligsrichs Unterhaltigskonzert. Es find 16. November im Tägisaal Wettige under de Leitig vom noie Dirigänt Raymond Engler statt. Vo «El Camino Real» über «Malagueña» bis zu «Sweet Dreams» und «Don’t Stop me Now» – da esch sicher für jede Gschmack öppis passends debi. D‘ Moderation und au die eint oder anderi Gsangsilag übernimmt als Special-Guest de Roger Thommen us Würelos. De Itritt chostet für Alli 20.- und es git au weder e grossi Tombola met vele tolle Prise. Türöffnig esch am 7ni am Abe und es werded ab dänn au Getränk, Snäcks wie au Kafi & Chueche serviert – natürlich au i de Pause oder nachem Konzert a de Bar. Grad nach de Pause präsentiert d’TVWU (Tambourevereinigung Wettige und Umgäbig) weder en ca. 20 minütige Showblock und sorgt für beschti Unterhaltig. Reservatione nämed mir gern via Email a reservationen@hwk.ch no bis am 10. November entgäge aber es het bestimmt au für Spontanentschlossni immer nöime no es Plätzli frei.