Am letschte Sunntig het en Hund es Reh grisse. De Hund respektiv de Halter wird gsuechd.
Am Sunntig, 29. September 2024, öppe um Halbieis am Mittag, het e Drittperson beobachtet, wie in de Nöchi vo de Mooshaldestrass, en Hund es Reh grisse het. De Hund isch devogrennt und en Halter isch ned uszmache gsi. De Jagdufseher, wo ufbote worden isch, her s Reh müesse erlöse.
D Kantonspolizei (Kapo) het d Ermittlige ufgnoh und suecht Züüge und Lüt, wo Hiwis uf de Hund chönnd geh. De Hund isch bruun/schwarz gsi, het churzi Haar, stehendi Ohre und het es schwarzes Hundegschirrli umgha. Er isch öppe 30 cm höch gsi und 60 cm lang.
Wer Aagabe zu de Umständ oder zum Hund cha mache, sell sich bi de Mobile Polizei z Schafise melde (Tel. 062 886 88 88)